رأيت رجلاً يحفر عند البئر في بيتي وخضرة تمتد بلا نهاية، فما تفسير رؤياي؟

Question

كنت نائمة قبيل أذان المغرب، واضعة يدي اليسرى على وجهي — وهذه عادتي في النوم لا أنام إلا بها — فرأيت عندي بئراً في البيت، ورجلاً يحفر عند البئر يريد أن يزرع. رجل طويل عريض المنكبين، حسن الهيئة ما شاء الله عليه، كشف عن وجهه فرأيت شيئاً منه، ولا أعرفه، وعليه دشداشة. وأنا قاعدة في الوسط أنظر إلى الأمام وأقول: يا رب، يا رب. وحولي خضرة ممتدة إلى ما لا نهاية.

وقد أحسست بالهواء يحركني حتى خُيّل إليّ أن ما رأيته حقيقة في اليقظة لا منام.

د. فهد بن سعود العصيمي · Accepted Answer

الله يعافيك، حيّا الله لطيفة. يا إخوان، ارفعوا الصوت. ها لطيفة، أسمعك الحين؟ اللي كان يحفر البير، عرفتيه؟ وش عليه من الملابس؟ طيب، لما حفر البير… هذا بالحقيقة ولا بالرؤيا؟ وشنو ما شفتيه حلم؟ يعني شيء رأيتيه قدامك وأنتِ مستيقظة؟ زين، إذا حطيتي يدك اليمين على وجهك، وش يصير؟ لا لا، إنتي الحين تقولين إن هذا الشي ما هو بحلم. بالحقيقة، هل الهوا حرّكك؟ يعني شوفي يا لطيفة، أنتِ تبغين توصّلين لي فكرة: إلى أن اللي شفتيه ما كأنه رؤيا، كأنه حقيقة. أحياناً الرؤيا تسيطر على صاحبها، حتى إن بعض الناس يرى في المنام مسكاً، فيقوم من النوم ويقول: يديني كنت أشمّ رائحتها مسكاً. وأحياناً واحد يشوف واحداً يطقّه، فيقوم من النوم ويقول: جسمي فيه ألم، حتى كان في جسمي احمرار من الضرب. هذا كله بسبب قوة تأثير هذه الرؤيا على أصحابها. احنا قاعدين نفسّر، ما قعدنا نضيّع وقتنا. وكلامك إنك ما كنتي في الحلم غير صحيح؛ إنتي كنتي في الحلم. زين، الرؤيا يا لطيفة… أنا بسألك سؤالاً: أنتي الحين قاعدة تخططين لمشروع خيري؟ عمل برّ، عمل خيري، قاعدة تخططين له؟ بإذن الله تعالى، اللي شفتيه هو هذا العمل الخيري اللي قاعدة تخططين له. هذا سيكون بإذن الله تعالى صدقة جارية لكِ ولذريتك ولوالديك. وأبشري بالخير، سيكون إن شاء الله تعالى سبباً من أسباب رفعتك، وأجراً تؤجرين عليه وأنتِ في قبرك بعد عمر طويل مبارك. واضح كلامي؟ تبين شيء ثاني؟ ما يأمر عليك إلا كل خير. وهذا حلم خير إن شاء الله، خير جداً. الله يرحمها. الله يرحمها ويجعل فيك بركة. وأنتِ وش تبين تسوين لها يا لطيفة؟ وش اللي قاعدة تخططين له الحين؟ تبين تسوين إيش؟ أنتي تبين تسوين لها عمل برّ. «إذا مات الإنسان انقطع عمله إلا من ثلاث: صدقة جارية…». إنتي تفكرين بصدقة جارية، بس وش العمل؟ أحسن شيء الدعاء، ثم الصدقة الجارية. ممكن تبنين لها مسجداً مثلاً، أو تحطين لها مالاً في وجه من وجوه الخير. ورجل خير إن شاء الله. خلاص، تصدّقي عنها يا لطيفة. حطي لها ولو مبلغاً بسيطاً في دعم أيتام، أو حطي لها مبلغاً بسيطاً في فكّ المساجين عندكم، أو مبلغاً بسيطاً في الإنفاق على المساجد. هذا بإذن الله يكون له أثر كبير في الأجر. الله يعطيك العافية. شكراً لطيفة.

رأيت رجلاً يحفر عند البئر في بيتي وخضرة تمتد بلا نهاية، فما تفسير رؤياي؟

نص الرؤيا

الخلاصة

الحوار كما جرى

ما تأكّد من تفسيرها

الفائدة المنهجية

الرموز الواردة في هذه الرؤيا