رأيت قبل وفاة والدي أنهم أخبروني بموته وألتقط ذهباً في الطريق، فما تأويلها؟

Question

هذا حلم والله قديم مرّة، بس ما راح عن بالي أبداً، صورته زي ما هي ببالي. كان الوالد — الله يرحمه — تعبان ذاك الوقت وكان في المستشفى، وأنا بعيدة عنه يعني في منطقة ثانية.

حلمتُ كذا إني قالوا لي: توفي. فرحتُ لهم وجئتُهم، فإذا أمي وإخواني مختلفين على شيء، زي ما يكون ورقة. فحاولتُ وأخذتُ الورقة هذه، وكأنها ملفوفة زي ورق البلاستيك، وقلت: بأروح عند واحدة من أخواتي ساكنة بجنبهم يعني في نفس المكان.

وقاعدة أمشي، والأرض كأنها آثار مطر، وحل كذا وتراب. وطول ما أنا أمشي شوية إلا ألاقي قطعة ذهب — تكون بنجرة، أكثرها بناجر من ذهب — وكل ما مشيت لقيت قطعة وأشيلها وأقول: يا ربي، الذهب طايح. ويا الله حتى نوصل بيتها، وأنا كل ما أمشي ألاقي قطعة وأشيلها، ألاقي قطعة وأشيلها، إلى أن وصلتُها.

ووصلتُها وأنا أعطيتها الذهب — أو ما أعطيتها، المهم إني أشيلها على أساس إني أعطيها. وبعدين أعطيتها الورقة هذه وقلت لها: أنتِ لازم تحافظين على الورقة هذه وتحلّين المشكلة أنتِ وزوجك، لأنها أقرب شيء لأهلي، وأهلي دائماً معك ويساعدونك. أبي أن تحافظوا على الورقة هذه.

قالت لي: خلاص. بعدين قالت لي: متى تروحين عند أبي؟ — كأن المستشفى جنب بيتهم، يعني في ذاك الوقت في الحلم — قلت: ما أقدر، خايفة. ورفضتُ إني أروح. وبعدين صحيتُ من النوم.

د. فهد بن سعود العصيمي · Accepted Answer

الأخت أم زياد من السعودية، تفضّلي. عليكم السلام يا أم زياد، أهلاً. من متى يعني؟ قديم؟ تفضّلي أم زياد. أه. أول شيء يا أم زياد: هل كان عندك تأنيب ضمير لما توفي الوالد وأنتِ بعيدة عنه؟ لما توفي الوالد... أه، لما كان مريض، يجيك تأنيب ضمير؟ إنه أنتِ بعيدة عنه ولا قاعدة تسوّين له شي؟ غالباً أم زياد هو هذا معنى رؤيتك: أنكِ في وقتها لو قلتِ لي هذي الرؤيا، يمكن بالحوار أقول لك: الوالد الآن وينه؟ تبين تقولين لي: وقتها مريض. صح ولا خطأ؟ تبين تقولين لي وقتها مريض، بقول لك: أنتِ حالتك مختلفة كثير عن حالة الوالد، أو أنتِ تعيشين في مكان وهو في مكان. لكن أنتِ كنتِ تعيشين في مكان آخر، كنتِ في منطقة سعودية. فأنا أقول لك — أنا وقتها يعني كنت بأقول لك وقتها — إنه هذا معناه إنه أنتِ حالتك مختلفة عن حالة والدك وعيشكم مختلف، فأنتِ يجيك تأنيب ضمير أن والدك مريض وعايش وأنتِ لا تستطيعين أن تكوني موجودة معه، وتغبطين... أه، تعرفين وش معنى تغبطين؟ تغبطين... تعرفين وش معناها الغبطة؟ يعني أنتِ تغبطين من يعيش مع والدك من إخوانك وإخوتك، وتقولين: يا ليتني كنت معهم. فهذا تعبير رؤيتك، يعني وقولتك إنه قطعة قطعة والذهب هذا لحد ما وصلتيها — الوالد توفي، الله يغفر له — وربما أنتِ ما قدرتِ تكونين موجودة في مكان واحد معه، ولا قدرتِ تسوّين له الأشياء اللي ببالك اللي تتمنينها. وهذا أنتِ معذورة فيه ترى، لأن الزوجة حقّ زوجها أعظم من حقّ والدها ترى، فلا تخافين في هذه المسألة. ونقول لك في الأخير: إن شاء الله تعالى غفر الله لوالدك، وغفر لموتى المسلمين ووالديّ وكل من يسمع، آمين. شكراً يا أم زياد.

رأيت قبل وفاة والدي أنهم أخبروني بموته وألتقط ذهباً في الطريق، فما تأويلها؟

نص الرؤيا

الخلاصة

الحوار كما جرى

ما تحقق من الرؤيا

الفائدة المنهجية

الرموز الواردة في هذه الرؤيا