شفتها عند محلّ الذهب عليها سلسال ذهب

Question

رؤيا منقولة ؛ تقول المتّصلة إنّ خالتها رأت أختَها — وهي والدةُ المتّصلة المتوفّاة — عند محلّ الذهب ، ومعها ذهب، و عليها سلسال ذهب ، وفستانها شكله يعني كبير وحلو، وكانت على طبيعتها ما فيها تغيّر ، وكانت حالتها جيّدة. وتقول الرائية إنّ أختها قالت لها: أبغى أشتري الرشوش — تعرفي الرصاص القديم حقّ الأوّلي الكبير — فقالت لها: وشنو لك تشترين؟ إنتي عليك سلسلة، اشتري إكسسوارة... اشتري سوارة ، فقالت: لا أبغى. وتقول إنّ المحلّ الثاني الذي وقفتا عنده كلّه إكسسوارات، ما هو بذهب ، فقالت لها: لا، اشتري لك سوارة، بس ليش؟ كنتي عليك هذا، فقالت: لا، باشتريه. وتقول: كانت عليها عباياتها من العبايات القديمة المفتوحة ، ما هي من عبايات هالحين اللي تكون مجرورة، فحاولت أن تسحبها على صدرها، وهي مستترة ، تقول سحبتها عليها. ثمّ وقفنا عند راعي الذهب ، وتقول: صحيت، ما أدري شلون صار هذا. وكانت هذه في شهر محرّم .

د. فهد بن سعود العصيمي · Accepted Answer

عليكم السلام ورحمة الله، أهلاً يا أمّ خالد ممّن منقولة؟ والله يا أمّ خالد الخالة بعيدة شوي يعني... أنت سمعتيها بالهاتف مباشرة، وجه بوجه؟ تجلس على الأقلّ خالتك أمّ الزوج وش تقول؟ كم تقريباً عمر الوالدة؟ أي نعم، أيوا، الله يجعله خير طيب، وأنا بس أقول لكم أنّ تعبير المنقول هذا صعب الله يرضى عليك. على أيّة حال باسألك سؤال بس: الخالة هذه تخاطب الحدا؟ عيالها متزوّجين؟ عندها واحد تخاطب؟ هما يقول لك انّه التعبير... التعبير مشكلة إذا قعدنا نعبّر للمنقولة، باسألكم تقولون: ما ندري لا، أقول: لا تقولون لي منقول إلّا وانتم متأكّدين من المعلومات شوفي... يعني مهما قعدنا الآن نتكلّم، نتناقش في ها التعبير، في ها الرؤية... لذلك انتي الحين تقولين: والله ما أدري، يمكن... فهذا اللي يخلّيني أقول: أنا أريد أن أغلق باب الرؤى المنقولة. لكن انتي يمكن تخافين انّه في شيء يتعلّق بالوالدة فأنا أقول: هذا الشي ما أظنّه يعني موجود في هذه الرؤية... استغفروا لهم وكثّروا من الدعاء لهم، وهم إن شاء الله تعالى مضوا إلى ربّ رحيم، سبحان الله لكن إذا الخالة تدور وتخطب لولدها وزاهمتي عليها بعد الحلقة، وبعد ما تنزلين السمّاعة الحين، وقالت لك: إيه أدوّر، قولي: انتي الحين إذا هي طايحة عينها على واحدة، أنا أظنّ أنّه الوحدة هذه يبي يصير فيها أخذ وردّ، لكن ما هي تامّة خطبتهم ويمكن ما يكون في توافق بينهم، وبين الطبايع وأمور يعني أنتي تعرفينها ما تخفى، يعني بيصير فيه يعني اختلافات. الله يعينك طيب، شكراً أمّ خالد

شفتها عند محلّ الذهب عليها سلسال ذهب

نص الرؤيا

الخلاصة

الحوار كما جرى

الفائدة المنهجية